Rox 的模型手記

痴板....

roxs — Tue, 08 Jul 2008 12:00:19 +0800

港男試過用銀河 U-4 板配 Yasaka 嘅 Xtend 膠, 覺得略嚴過彈, 特別係小路球獨板嗰吓有跳嘅感覺, 唔係咁好控制. 於是就配返 Donic 嘅 JO Gold, 我試過雖然拉波冇 Xtend 咁爽, 咁易製造弧線, 但就比較平衝, 幾好打吓. 既然有人試咗都ok, 咁我又唔洗盲頭烏蠅咁亂試. 立即開工痴一塊....

去片..............................

(閱讀全文)

係咪一定要買貴嘢先做得人成先??

roxs — Mon, 07 Jul 2008 11:55:12 +0800

只售$60大洋嘅中國 Sword 世奧得練劍, 已經比好多名牌貴貨好用....

(閱讀全文)

我的家當.....

roxs — Fri, 27 Jun 2008 13:33:50 +0800

本來諗住攞番d 舊板出黎配膠, 可能係d 板太耐冇見過陽光, 有d 開始發霉. 於是就攞番d 板出黎通吓氣...順便影埋相.. 不過有好多都好耐冇用過.......

1. Stiga Energy Wood WRB (Sweden) (芯材: Ayous. 力材: Ayous. 面材: Limba)

啱買冇耐嘅現用拍, 五層純木, 空芯柄. 暫時中國隊嘅陳玘都用緊佢, 被譽為十大經典純木拍之一. 不過响無機膠水新制下, 陳玘都諗住轉拍. 始終 0.6mm 嘅阿尤斯 (Ayous) 做力材對大球同無機膠水年代有d 過時. 個人覺得哩塊拍手感好, 中上速度, 但如果要有一擊必殺嘅效果就要有陳玘咁嘅力量先得 (不過世界上都唔會有幾多個人有佢咁嘅力量).

陳玘

邊個係陳玘?? 如果有睇過04奧運香港孖寶李靜, 高禮澤同中國隊爭男雙金牌嗰幕, 中國當時就係由馬琳同陳紀出戰. 嗰塲波就連香港人唔係點睇乒乓波嘅都走晒去時代廣場道企定定响道睇....此人廿歲出頭, 力量霸道, 嘢嘢都攞你九命, 所以有 '殺神' 稱號. 可惜中國隊人材太多, 上極都上唔到位. 至08年6月, 世界排命第六. 加上小伙子火氣都幾大. 試過出賽時輸波當塲掟拍, 結果返到屋企除咗要當住國家隊成員解釋道歉, 認錯寫報告之外, 重要下放到田間做勞動工作. 又連累男隊主教練劉國粱罰錢.

(閱讀全文)

ID4 續集???

roxs — Thu, 26 Jun 2008 20:30:51 +0800

ISO 50, 8" F5.8

(閱讀全文)

爆膠問題點解究!?

roxs — Tue, 24 Jun 2008 11:19:06 +0800

近來不斷進行打法矯正, 發力比以前猛咗好多, 冇乜點用力已經好鬼大力...結果係爆膠問題愈黎愈嚴重. 以前同一款膠起碼打四次先開始爆膠 (每次實打一個鐘黎計, 即係四個鐘上下..). 但係而家真係痴鬼線到一個鐘到就開始爆, 最快試過15分鐘就打斷d 反貼嘅粒仔..咁攪法真係有錢老都死....幾舊水打幾十分鐘.... d 器材生產商老屈到黎晒譜..... 最慘係打唔掂大陸膠, 如果唔係一早就過檔, 唔洗好似而家咁輪為外國器材商嘅奴隸.....

我開初以為係我自己打波撻Q先會攪到d 膠加速死亡. 於是我就係錯嘅位置道貼上好滑嘅膠紙, 一旦打錯位, 個波就會鱔落地下, 咁我就知嗰個動作係錯咗. 點知打咗成日真係打錯位嘅情況都係得幾吓到, 即係話d 膠真係脆到唔合理, 只要一兩吓較大力嘅撻Q 就會崩... 至於打中位嘅都唔好得幾多, 佢唔會崩, 因為四周圍有其它膠皮頂住唔以邊位咁冇嘢支撐. 但係大力一d 嘅撞擊佢就會斷粒. 如果多打磨擦少撞擊就會耐用一點...但冇理由一塲波只係打磨擦啩????? 點都會有擊球嘅時候啩???? 唔通係又磨唔係又磨????

(閱讀全文)

死蛇懶鱔, 動力得個零...

roxs — Fri, 13 Jun 2008 16:16:29 +0800

(閱讀全文)

捱吓捱下又一d..

roxs — Thu, 05 Jun 2008 10:30:21 +0800

冇乜期望, 總之砌得幾多得幾多.....攪攪吓都完成個身同大部份對腳....pat pat 個關節重要加工先可以完成分件 (又係因為要開鑽, 懶! 藕咗幾日都冇心機攪...)., 但對腳就可以完全分體. 由於只係為咗易d 上色, 所以改時候冇增加到活動力....一句講晒..... 懶過條蛇!!

(閱讀全文)

科技戰略大反擊....

roxs — Tue, 03 Jun 2008 08:03:34 +0800

晚晚比佢搞到冇覺好瞓, 實在唔能夠再忍嘞... 人類們! 快d 站起來作大反擊!!

為咗完成任務, 軍方特別撥款作購買新高科技武器用.....

第一仗失利: 小型超聲波驅蚊器...

把鬼!! 一d 用都冇. 巨蚊軍團進軍如入無人之境. 老實講, 個驅蚊器都唔知堅定流嘅, 話唔定係玩具. d 高頻連人都聽唔到, 鬼知佢究竟有冇出過聲咩? 戰況慘烈, 個個都比人針到豬頭咁款. 一怒之下將所有小型驅蚊器掉晒, 連相都冇影底....

(閱讀全文)

又爆膠....

roxs — Mon, 02 Jun 2008 11:57:00 +0800

(閱讀全文)

始終都係關於砌模型....

roxs — Thu, 29 May 2008 10:21:23 +0800

(閱讀全文)

1/24 Kobu f Erica corps

roxs — Sat, 24 May 2008 08:00:18 +0800

(閱讀全文)

平價 DVD 機

roxs — Sat, 24 May 2008 07:00:50 +0800

(閱讀全文)

地獄式訓練

roxs — Mon, 05 May 2008 00:30:20 +0800

連續哩兩個禮日都打波打足成日, 真係成日. 上個星期日由上午10點打到夜晚11點. 中間停咗兩個鐘... 今日 (4 MAY) 都係啱啱先返到屋企, 中間都係停咗兩個鐘. 真係地獄式訓練, 重長時間過d 乜乜國家隊, 好攞命....而且只係集中練正手基本功....

訓練頭一兩次發覺, 原來要中途改正錯誤動作係好困難嘅事, 因為錯咗好多年, d 錯嘢已經根深柢固, 一路練正確動作, d 錯嘅 '深厚功力' 就一路好似鬼咁纏住你, 不斷拖你後腳, 影响你嘅正確姿勢變形.....結果响陰陽唔能夠調和, 體內兩道真氣互相干擾之下...久未發生嘅慘案終於發生咗......我竟然將塊板撞咗落波枱, 塊板就冇事, 但塊新買只係用咗兩次嘅膠皮就成塊劏開咗兩邊.....立即 certified .....慘....

最難係套動作係分內外兩層:

外嗰層就係有形嘅動作姿勢, 分別係相腿要做重心轉移, 轉腰發力, 引拍出手收前臂發力而唔用肩膊大臂運動...

內嗰層係無形身體發力次序協調, 練點樣踏地發力上傳 (力從地起), 然後手腰發力 (但唔可以大臂發力)

當哩d 嘢撈埋一齊要同一時間做就會好亂, 往往做到手就做唔到腳, 顧得條腰同腳就唔記得咗隻手...到咗三樣都做齊就發力唔協調...嘩....真係難到.....!! 都重未計自己d 錯誤嘅深厚內力不斷咁干擾緊自己.....加埋個來球嘢嘢高低長短都唔同.....結果我撞爛板之餘, 就連個波皮都掂唔到...... 變成完全唔識打波.....

經過哩兩次10 幾個鐘嘅訓練, 同响教練不厭其煩咁多次提示, 正手基功終於改得七七八八, 跟住就係要練正手位移動擊球同 '以前好善長' 嘅中遠枱發力拉... 我諗 '以前好善長' 嘅中遠枱發力拉; 我下星期又會連波皮都掂唔到.....

練成正手基本功嘅代價係: 成隻手掌都起滿咗水泡...... 睇黎下次要一併練埋點樣放鬆d 去打個波先得.....

不過, 更正咗之後真係好咗好多, 而家可以平均咁用到手, 腰, 腿黎打波, 冇乜點出力都己經比以前只用大臂發力衝好多, 力量都出奇地猛. 發力效率高咗好多, 同埋連續打好多板都唔會攰, 命中率亦高咗好多. 個教練話我以前係打唔到嗰d 人話嘅 '冇力球板' 因為我同嗰d 人一樣有自身發力上嘅問題, 但係家陣我就可以攞返嗰d 板出黎玩. 我立即在塲搶咗人哋一板d 人話冇乜力嘅波板黎玩..嘩....以前真係打唔到咁嘅力量出黎, 而家發覺哩d 板真係好爆好轉.....同埋以前分唔到某d 板同膠皮响性能上嘅特性. 轉咗打法就開始分得到...以後買板又可以更加準確, 唔洗嘥錢喇......

快乾膠 + 爽身粉 (持續測試項目)

roxs — Tue, 29 Apr 2008 09:04:40 +0800

Last Update : 29 April 2008

這次是測試市售不同品種快乾膠混入爽身粉的效果. 測試前有幾個細項要注意一下:

1. 由於快乾膠品牌眾多, 這個測試會持續進行, 一旦找到未曾測試過的快乾膠也會在這裡進行試驗並更新.

2. 由於測試效果會受個人經驗, 掌握力, 使用手法等影响. 故這裡得出的效果未必等如該產品的實際效能. 如某一產品在改變使用方法後得出較佳效果, 這裡會一併更新. 請注意更新日期.

3. 這裡使用的都是新開的快乾膠, 全部都是一開即用. 而放舊了的快乾膠在應用效果上會有所不同..

4. 這裡決定混和的最佳時機和狀態是混合物呈糊狀.

5. 評分最高為 5 個 icon. 愈多表示愈見滿意. 愈多表示愈不滿意.

(閱讀全文)

SD GP03D

roxs — Wed, 16 Apr 2008 11:17:55 +0800

(閱讀全文)